01 · Abiapuntua
Hasierako diagnostikoa
Ikastetxean gaur egun matematika nola irakasten den, eta behatu edo hobetu nahi den erronka zein izango den labur hausnartzea.
Portfolioan: gorde sortutako PDFa eta gehitu ikastetxearen portfolioan.
02 · Ibilbidean zehar · gutxienez 2
Ikasgelako inplementazioak
Ikastetxeak ikas-egoera bat —osorik, zati batean edo egokituta— ikasgelara eramaten duen bakoitzean, esperientziaren aztarna labur bat jasoko du. Ez da analisi sakonik eskatzen.
Nahikoa da: ikasgelara zer eraman den, nola garatu den, lagin txiki bat gehitu eta zerk eman duen bereziki arreta azaltzea.
03 · Amaierako begirada
Amaierako hausnarketa
Abiapuntuaren eta inplementazioen ondoren ikasitakoaren arteko konparazio laburra, ikastetxerako erabaki zehatz batekin amaitzeko.
Portfolioan: gorde sortutako PDFa eta gehitu ikastetxearen portfolioan.
Ziurtagirirako: ikastetxearen portfolio digitalak hasierako diagnostikoa, inplementazioaren ebidentzien gutxienez bi PDF eta amaierako hausnarketa jaso behar ditu. Moodle bidez, ikastetxearen portfolio digitalerako esteka baino ez da entregatuko. Bidali aurretik, egiaztatu estekak aholkularitza-taldeari portfolioan sartzeko aukera ematen diola.